Нижний Новгород мужид төмс, хүнсний ногооны үйлдвэрлэл нэмэгдсэн. Энэ тухай бүс нутгийн Хөдөө аж ахуй, хүнсний нөөцийн яамнаас мэдээлэв.
“2019 оны ургац хураалтын ажлын урьдчилсан дүнгээр газар тариалангийн байгууллага, тариаланчид 480 гаруй мянган тонн төмс бэлтгэсэн нь өнгөрсөн оныхоос 90 мянган тонноор илүү байна. Энэ хэмжээ нь тухайн бүс нутгийн хүн амыг энэ бүтээгдэхүүнээр бүрэн хангахад хангалттай юм. Мөн төмсний тодорхой хэсгийг бүс нутгаас гадуур борлуулснаар манай тариаланчид нэмэлт орлоготой болох юм” гэлээ., - Нижний Новгород мужийн Хөдөө аж ахуй, хүнсний нөөцийн сайд Николай Денисов онцлон тэмдэглэв.
“Энэ жил ил задгай хүнсний ногооны хувьд ч мэдэгдэхүйц өсөлт гарсан. Нийтдээ 40 гаруй мянган тонн хүнсний ногооны бүтээгдэхүүн үйлдвэрлэсэн нь өнгөрсөн оны үзүүлэлтээс 60 хувиар өндөр байна. Луувангийн тариалалтаас хоёр дахин их, манжин, байцаа болон бусад хүнсний ногооны бүтээгдэхүүн сайн үр дүнд хүрсэн” гэв.- гэж Николай Денисов нэмж хэлэв. Нөхөн сэргээлтийн системийг газар тариалангийн үйлдвэрлэлд нэвтрүүлснээр төмс, хүнсний ногооны өндөр ургац авахад хувь нэмрээ оруулж байгааг тэрээр тэмдэглэв. Тэгвэл 2019 онд 3,2 мянган га талбайн нөхөн сэргээлт ашиглалтад орсон байна.
“Газар тариалангийн талбайн нөхөн сэргээлт хөгжүүлэх хөтөлбөрийн хүрээнд нөхөн сэргээлтийн ажил хийгдэж байна. Тариаланчдад усалгаа, ус зайлуулах системийг барих, сэргээн засварлах, техникийн дахин тоноглох зардлын 50 хүртэлх хувийг нөхөн төлдөг. 2019 онд энэ чиглэлийн санхүүжилт 2018 онтой харьцуулахад дөрөв дахин нэмэгдэж, 105,9 сая рубль, үүний дотор холбооны төсвөөс 25,9 сая рубль, бүс нутгийн төсвөөс 80 сая рубль болжээ.- гэж Николай Денисов хэлэв.
Бүс нутгийн Хөдөө аж ахуйн яамны мэдээлснээр, шинэ ургацын төмс, хүнсний ногоог Нижний Новгород дахь 10 цэгт үйл ажиллагаа явуулдаг амралтын өдрүүдийн үзэсгэлэн худалдаанаас шууд хөдөө аж ахуйн үйлдвэрлэгчдээс худалдан авч болно.
Эх сурвалж: http://mcx.ru/